Frítøka frá at rinda barsilsgjald
Ert tú lesandi ella lærlingur uttanlands og kemur heim at arbeiða í frítíðini, kanst tú søkja um at fáa endurgoldið barsilsgjaldið, ið tú rindar av teirri A-inntøku, sum tú tjenar, meðan tú ert her. Treytin er, at tú hevur fulla skattskyldu í Føroyum.
Hevur tú tað, send okkum so eitt bræv, har tú biður um frítøku. Upplýs p-tal, kontunummar, har barsilsgjaldið skal endurgjaldast inná, og hvussu leingi, tú verður í Føroyum.
Send til Barsilsskipanina á Mínboks ella við vanligum brævi til Barsilsskipanina, Smyrilsvegur 20, Postboks 2151, 110 Tórshavn. Søk, áðrenn tú fært fyrstu lønina, tí gjaldið kann ikki strikast afturvirkandi.
So kanst tú søkja um at fáa tað. Treytin er, at tú áður hevur havt fastan bústað her í minst fýra ár og kanst vísa fram lestrarváttan frá lærustovninum.
Heinta umsóknarblað og les meira um fyrimunirnar við at varðveita fulla skattskyldu í Føroyum á heimasíðuni hjá TAKS. Leinkið er undir snarslóðum.